മാഞ്ചസ്റ്റർ സിറ്റിയുടെ ബ്രസീലിയൻ വിങ്ങർ സാവിഞ്ഞോയെ ടീമിലെത്തിക്കാൻ ടോട്ടൻഹാം ഹോട്ട്സ്പർ നീക്കം തുടങ്ങുന്നു. വരും ദിവസങ്ങളിൽ തന്നെ താരം ക്ലബ്ബിലേക്ക് ഔദ്യോഗികമായി ബിഡ് സമർപ്പിക്കുമെന്ന് സ്കൈ സ്പോർട്സ് റിപ്പോർട്ട് ചെയ്യുന്നു.

കഴിഞ്ഞ സമ്മർ മുതൽ സാവിഞ്ഞോയിൽ ടോട്ടൻഹാമിന് താൽപ്പര്യമുണ്ട്. താരത്തെ സ്വന്തമാക്കുന്നതിനെക്കുറിച്ച് ക്ലബ്ബ് ഗൗരവമായിത്തന്നെ ആലോചിക്കുന്നുണ്ട്. മാഞ്ചസ്റ്റർ സിറ്റിയുമായി ഇതുവരെ ഔദ്യോഗിക ചർച്ചകൾ നടന്നിട്ടില്ലെങ്കിലും, വൈകാതെ ഒരു ഔദ്യോഗിക ഓഫർ ഉണ്ടാകാനുള്ള സാധ്യത തള്ളിക്കളയാനാവില്ല.

കഴിഞ്ഞ ഒക്ടോബറിൽ മാഞ്ചസ്റ്റർ സിറ്റിയുമായി കരാർ പുതുക്കുന്നതിന് മുൻപും സാവിഞ്ഞോയെ സൈൻ ചെയ്യാൻ ടോട്ടൻഹാം ശ്രമിച്ചിരുന്നു. നിലവിൽ 2031 വരെ സിറ്റിയുമായി കരാറുള്ള താരത്തെ ടീമിലെത്തിക്കണമെങ്കിൽ വലിയ തോതിലുള്ള ചർച്ചകൾ തന്നെ ക്ലബ്ബിന് നടത്തേണ്ടി വരും.

കഴിഞ്ഞ സീസണിൽ പെപ്പ് ഗ്വാർഡിയോളയുടെ കീഴിൽ മാഞ്ചസ്റ്റർ സിറ്റിക്കായി ഒട്ടേറെ മത്സരങ്ങളിൽ സാവിഞ്ഞോ പകരക്കാരനായി കളത്തിലിറങ്ങി. എല്ലാ ടൂർണമെന്റുകളിലുമായി 36 മത്സരങ്ങളിൽ ബൂട്ടണിഞ്ഞ താരം നാല് ഗോളുകളും രണ്ട് അസിസ്റ്റുകളും സ്വന്തമാക്കിയിട്ടുണ്ട്.