ലോകകപ്പിൽ പനാമയ്‌ക്കെതിരായ മത്സരത്തിൽ ഇംഗ്ലണ്ടിന്റെ വിജയത്തിന് പിന്നാലെ മിഡ്‌ഫീൽഡർ ജൂഡ് ബെല്ലിംഗ്ഹാമിന്റെ പ്രകടനത്തെക്കുറിച്ച് പരിശീലകൻ തോമസ് ടൂച്ചൽ പ്രതികരിച്ചു.

“മികച്ച പ്രകടനമാണ് താരം കാഴ്ചവെച്ചത്. ബെല്ലിംഗ്ഹാം ഇത്തരമൊരു മികച്ച ഫോമിൽ തുടരുന്നതിൽ സന്തോഷമുണ്ട്. ടീമിലുള്ള എല്ലാവരും തങ്ങൾക്ക് നൽകിയ ഉത്തരവാദിത്തങ്ങൾ കൃത്യമായി നിറവേറ്റി. അതിൽ ജൂഡ് വലിയൊരു പങ്കുവഹിച്ചു,” ടൂച്ചൽ പറഞ്ഞു.

സ്ക്വാഡിലെ മറ്റ് കളിക്കാരെ ഉപയോഗപ്പെടുത്തുന്നതിനെക്കുറിച്ച് സംസാരിക്കവെ, ഒല്ലി വാറ്റ്കിൻസിനെയും ജോർദാൻ ഹെൻഡേഴ്സനെയും ടൂച്ചൽ പ്രത്യേകം പരാമർശിച്ചു. “ഒല്ലിയും ജോർദാൻ ഹെൻഡേഴ്സനും കളത്തിലിറങ്ങിയതിൽ എനിക്ക് സന്തോഷമുണ്ട്. അവർ അർഹിക്കുന്നതിനേക്കാൾ വളരെ കുറച്ചു അവസരങ്ങളാണ് അവർക്ക് ലഭിക്കുന്നത്. ഇത് എനിക്ക് ബുദ്ധിമുട്ടുള്ള തീരുമാനങ്ങളാണ്, എങ്കിലും അതിനാണ് അവർ ഒപ്പിട്ടിരിക്കുന്നത്,” അദ്ദേഹം വ്യക്തമാക്കി.