ഇന്ത്യൻ സൂപ്പർ ലീഗിൽ സ്പോർട്ടിംഗ് ക്ലബ് ഡൽഹിയും ഇന്റർ കാശിയും തമ്മിൽ നടന്ന മത്സരം ഗോൾരഹിത സമനിലയിൽ അവസാനിച്ചു. ഡൽഹി ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ ഇരുടീമുകൾക്കും ഗോൾ കണ്ടെത്താനായില്ല.
മത്സരത്തിൽ ഇന്റർ കാശി മികച്ച മുന്നേറ്റങ്ങൾ നടത്തിയെങ്കിലും ഡൽഹിയുടെ പ്രതിരോധം തകർക്കാൻ അവർക്കായില്ല. ഡൽഹി ഗോൾകീപ്പർ നോറ ഫെർണാണ്ടസിന്റെ തകർപ്പൻ പ്രകടനമാണ് ടീമിനെ തോൽവിയിൽ നിന്ന് രക്ഷിച്ചത്. ആറ് തവണയാണ് ഫെർണാണ്ടസ് കാശിയുടെ അപകടകരമായ ഷോട്ടുകൾ തടഞ്ഞിട്ടത്. 37-ാം മിനിറ്റിൽ ഇന്റർ കാശി വല കുലുക്കിയെങ്കിലും അത് ഓഫ്സൈഡ് ആയതിനാൽ റഫറി അനുവദിച്ചില്ല.
ഈ സമനിലയോടെ 12 മത്സരങ്ങളിൽ നിന്ന് 13 പോയിന്റുമായി ഇന്റർ കാശി പട്ടികയിൽ ഒമ്പതാം സ്ഥാനത്തേക്ക് ഉയർന്നു. 11 പോയിന്റുള്ള സ്പോർട്ടിംഗ് ക്ലബ് ഡൽഹി 11-ാം സ്ഥാനത്താണ് തുടരുന്നത്. മത്സരത്തിൽ കാര്യമായ അവസരങ്ങൾ സൃഷ്ടിക്കാൻ കഴിയാത്തതിനാൽ സമനില ഇരുടീമുകൾക്കും യോജിച്ച ഫലമായി മാറി.