അർജന്റീനയുടെ ലോകകപ്പ് ടീമിനെ മെസി നയിക്കും; പൗലോ ഡിബാലയും ഫ്രാങ്കോ മാസ്റ്റാന്റൂണോയും പുറത്ത്

38 വയസ്സുള്ള മെസ്സി താൻ ഇത്തവണ കളിക്കുമെന്ന് മുൻപ് ഔദ്യോഗികമായി സ്ഥിരീകരിച്ചിരുന്നില്ല. ഇത് അദ്ദേഹത്തിന്റെ ആറാം ലോകകപ്പാണ്. ഇത്രയധികം ലോകകപ്പുകളിൽ കളിക്കുന്ന ആദ്യ താരമെന്ന റെക്കോർഡും മെസ്സിയെ തേടിയെത്തും.

ഖത്തറിൽ ലോകകപ്പ് ഉയർത്തിയതിന് ശേഷം മെസ്സി തന്നെ ടീമിനെ നയിക്കുമെന്ന് ആരാധകർ നേരത്തെ തന്നെ പ്രതീക്ഷിച്ചിരുന്നു. എട്ട് തവണ ബാലൺ ഡി ഓർ ജേതാവായ താരമാണ് മെസ്സി.

അർജന്റീനൻ ഫുട്ബോളിലെ മികച്ച യുവപ്രതിഭകളിലൊരാളായ പതിനെട്ടുകാരൻ മാസ്റ്റാന്റുനോയും ടീമിൽ ഇടംപിടിച്ചു.

അമേരിക്ക, കാനഡ, മെക്സിക്കോ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കുന്ന ഇത്തവണത്തെ ലോകകപ്പ് ജൂൺ 11-ന് ആരംഭിക്കും.

ജൂൺ 16-ന് അൾജീരിയയ്ക്കെതിരെയാണ് അർജന്റീനയുടെ ആദ്യ മത്സരം.

അടുത്തിടെ മെസ്സിയുടെ പരിക്ക് ആശങ്കയുണ്ടാക്കിയിരുന്നു. ഇടതുതുടയിലെ പേശികളിൽ ഉണ്ടായ സമ്മർദ്ദം (Muscle fatigue) കാരണമാണ് താരം ബുദ്ധിമുട്ടുന്നതെന്ന് അദ്ദേഹത്തിന്റെ ക്ലബ്ബായ ഇന്റർ മിയാമി വ്യക്തമാക്കിയിരുന്നു.

ഞായറാഴ്ച ഫിലാഡൽഫിയയ്ക്കെതിരായ മത്സരത്തിന്റെ 73-ാം മിനിറ്റിൽ മെസ്സി കളം വിട്ടിരുന്നു. എന്നാൽ താരം എപ്പോൾ തിരിച്ചെത്തുമെന്നതിൽ വ്യക്തത വരുത്തിയിട്ടില്ല.

എങ്കിലും, പരിക്കിനെക്കുറിച്ച് വലിയ ആശങ്ക വേണ്ടെന്ന് പരിശീലകൻ സ്കലോനി ഈ ആഴ്ച വ്യക്തമാക്കിയിരുന്നു.

പ്രീമിയർ ലീഗിലെ സണ്ടർലാൻഡ് മത്സരത്തിനിടെ പരിക്കേറ്റ ടോട്ടൻഹാം നായകനായ റൊമേറോയ്ക്ക് സീസണിലെ ബാക്കി മത്സരങ്ങൾ നഷ്ടമായിരുന്നു.

ഖത്തർ ലോകകപ്പിൽ ജേതാക്കളായ 26 അംഗ ടീമിലെ 17 പേരും ഇത്തവണത്തെ ടീമിലും നിലനിർത്തിയിട്ടുണ്ട്.

21 വയസ്സുള്ള നിക്കോളാസ് പാസ്, വാലന്റീൻ ബാർകോ തുടങ്ങിയ യുവതാരങ്ങൾക്കും ടീമിൽ അവസരം ലഭിച്ചു.

കഴിഞ്ഞ വർഷം അന്താരാഷ്ട്ര ഫുട്ബോളിൽ അരങ്ങേറ്റം കുറിച്ച പാൽമീറസ് ഫോർവേഡ് ജോസ് മാനുവൽ ലോപ്പസും ടീമിലുണ്ട്.

അസ്റ്റൺ വില്ലയ്ക്കായി മികച്ച പ്രകടനം പുറത്തെടുക്കുന്ന എമിലിയാനോ ബ്യുൻഡിയ, റോമയുടെ പൗലോ ഡിബാല എന്നിവർ ടീമിൽ ഇടംപിടിച്ചില്ല.

ലോകകപ്പിന് മുന്നോടിയായി ജൂൺ 6-ന് ഹോണ്ടുറാസിനെതിരെയും ജൂൺ 9-ന് ഐസ്‌ലൻഡിനെതിരെയും അർജന്റീന സൗഹൃദ മത്സരങ്ങൾ കളിക്കും.

ഓസ്ട്രിയയും ജോർദാനും അടങ്ങുന്ന ഗ്രൂപ്പിലാണ് അർജന്റീന ഉള്ളത്.

മെസ്സിയെക്കൂടാതെ പോർച്ചുഗലിന്റെ ക്രിസ്റ്റ്യാനോ റൊണാൾഡോ, മെക്സിക്കോയുടെ ഗില്ലെർമോ ഒച്ചോവ എന്നിവരും തങ്ങളുടെ ആറാം ലോകകപ്പിൽ കളിക്കാനൊരുങ്ങുകയാണ്.

ഡിഫൻഡർമാർ: ഗോൺസാലോ മോണ്ടിയൽ (റിവർ പ്ലേറ്റ്), നഹുവൽ മോളിന (അത്ലറ്റിക്കോ മാഡ്രിഡ്), ലിസാൻഡ്രോ മാർട്ടിനെസ് (മാഞ്ചസ്റ്റർ യുണൈറ്റഡ്), നിക്കോളാസ് ഒട്ടമെൻഡി (ബെൻഫിക്ക), ലിയോനാർഡോ ബാലർഡി (ഒളിമ്പിക് മാഴ്സെ), ക്രിസ്റ്റ്യൻ റൊമേറോ (ടോട്ടൻഹാം), ഫകുണ്ടോ മെദീന (മാഴ്സെ), നിക്കോളാസ് ടാഗ്ലിയാഫിക്കോ (ല്യോൺ).

മിഡ്ഫീൽഡർമാർ: ലിയാൻഡ്രോ പരേഡസ് (ബോക ജൂനിയേഴ്സ്), റോഡ്രിഗോ ഡി പോൾ (ഇന്റർ മിയാമി), എക്സെക്വീൽ പലാസിയോസ് (ബയർ ലെവർകൂസൻ), എൻസോ ഫെർണാണ്ടസ് (ചെൽസി), അലക്സിസ് മാക് അലിസ്റ്റർ (ലിവർപൂൾ), ജിയോവാനി ലോ സെൽസോ (റിയൽ ബെറ്റിസ്), വാലന്റീൻ ബാർകോ (സ്ട്രാസ്ബർഗ്).

ഫോർവേഡുകൾ: ലയണൽ മെസ്സി (ഇന്റർ മിയാമി), നിക്കോളാസ് പാസ് (കോമോ), തിയാഗോ അൽമാഡ (അത്ലറ്റിക്കോ മാഡ്രിഡ്), നിക്കോളാസ് ഗോൺസാലസ് (അത്ലറ്റിക്കോ മാഡ്രിഡ്), ജൂലിയൻ അൽവാരസ് (അത്ലറ്റിക്കോ മാഡ്രിഡ്), ജൂലിയാനോ സിമിയോണി (അത്ലറ്റിക്കോ മാഡ്രിഡ്), ലൗട്ടാരോ മാർട്ടിനെസ് (ഇന്റർ മിലാൻ), ജോസ് മാനുവൽ ലോപ്പസ് (പാൽമീറസ്).